«Կամք»-ականներն ազատության մեջ
ՏեսանյութերՀՀ ոստիկանության Ձերբակալվածների պահելու վայրից այսօր ազատ արձակվեցին Ազգային արժեքների պաշտպանության «Կամք» հասարակական նախաձեռնության անդամներ Մինաս Նովշադյանը, Սերգեյ Ամիրխանյանը, Տարոն Դավթյանը եւ Միքայել Հովհաննիսյանը:
Հիշեցնենք, որ ավելի վաղ «Իրավունք»-ը գրել էր, որ Ազգային արժեքների պաշտպանության «Կամք» հասարակական նախաձեռնության հիմնադիր Վահագն Չախալյանը նույնպես ազատության մեջ է: Փաստաբան Վահան Հովհաննիսյանի փոխանցմամբ՝ այսօր դատարանը քննիչի միջնորդությունը մասնակի է բավարարել՝ կիրառելով այլընտրանքային խափանման միջոց՝ երկու ամսյա տնային կալանք: Որոշումը բողոքարկվելու է ՀՀ վերաքննիչ քրեական դատարան:
Նշենք, որ Վ. Չախալյանը եւ չորս «Կամք»-ականները ձերբակալվել էին ՀՀ Կառավարության շենքի մոտ մայիսի 16-ին տեղի ունեցած բողոքի ակցիայի ժամանակ: Իշխող «Քաղաքացիական պայմանագիր» կուսակցության անդամ Վալերի Մանուչարյանը սադրանք էր հրահրել ընդդեմ «Կամք»-ականների, ինչը փաստում են լրատվամիջոցներում առկա տեսանյութերը: Արդյունքում բերման էին ենթարկվել Վահագն Չախալյանը, ինչպես նաեւ Սերգեյ Ամիրխանյանը, Մինաս Նովշադյանը, Տարոն Դավթյանը, Միքայել Հովհաննիսյանը: Վ. Չախալյանին մեղադրանք է առաջադրվել, իսկ մյուս «Կամք»-ականները ձերբակալվել էին 72 ժամով:
ՀՐԱՆՏ ՍԱՐԱՖՅԱՆ
![](disc/19-05-24/c2762f350868e58f67612b76006d2fbc.jpg)
![](disc/19-05-24/2055ada49981e7996142ba9f67209d83.jpg)
![](disc/19-05-24/63f3ae4e12babd3586ededeb9fc2749f.jpg)
![](disc/19-05-24/dddfb4ed852f6ba80380b46d820e0c6a.jpg)
![](disc/19-05-24/e137b8e6d8f922afe16841fda04364a1.jpg)
![](disc/19-05-24/63a597c47f851fb27911b6ae51abf648.jpg)
![](disc/19-05-24/db5780517c8509e636e6aa7881b5b72f.jpg)
![](disc/19-05-24/2923ceecc2d8f738492d940980435349.jpg)
![](disc/19-05-24/69974648b201f50f957d07b5e639a01e.jpg)