Ժողովուրդը, որին պարտադրում են իր հողը հանձնել եւ հեռանալ, չի կարող գոհունակ լինել. Վազգեն Պետրոսյան

ԱԺ պաշտպանության եւ անվտանգության հարցերի մշտական հանձնաժողովի նախագահ Անդրանիկ Քոչարյանը, անդրադառնալով Հայոց ցեղասպանությանը, հայտարարել է, թե «պետք է ունենալ այդ միլիոնուկեսի ազգանունները՝ որտե՞ղ, ինչպե՞ս, ի՞նչ պայմաններում կոտորվեցին, որպեսզի դա լինի շատ թիրախային»։ Նրա գնահատմամբ` «իրական Հյաաստանը տալիս է այդ հնարավորությունը նաեւ ցեղասպանության այդ բացթողումը դարձնել իրականություն»։ Այս մասին «Իրավունք»-ը զրուցել է ԱՍԱԼԱ-յի նախկին անդամ, Հայաստանի ժողովրդական շարժման համակարգող, քաղաքագետ-թուրքագետ ՎԱԶԳԵՆ ՊԵՏՐՈՍՅԱՆԻ հետ:

— Անդրանիկ Քոչարյանն իր հայտարարությամբ, թե` Նիկոլ Փաշինյանը նպատակ ունի Ցեղասպանության հետ կապված իրական հիմքեր կառուցել` ավելի առարկայական դարձնել ցեղասպանության ենթարկված հայրենակիցների ամբողջ ցանկը, ըստ էության, քննարկման առարկա դարձրեց, թե արդյոք միլիոնուկես են եղել ցեղասպանության զոհերը: Ի՞նչ կասեք այս մասին:

— Այդ հարցը կարող է տալ թուրքը` Թուրքիայի պատմաբանների միությունը, Էրդողանն ու Ալիեւը, բայց եթե մարդն ինքն իր անունը հայի անուն է դնում եւ նմանատիպ հայտարարություն է անում, նշանակում է, որ հայ չէ: Իսկ եթե հայ չէ, անկեղծ ասած, բացարձակապես ցանկություն չունեմ իրեն պատասխանելու: Բայց որպեսզի մնացած ազգերի, պատմաբանների համար ավելի պարզ լինի, ասեմ, որ երբ աշխարհի 30 եւ ավել երկիր դատապարտել են Հայոց ցեղասպանությունը, դրանք պետություններ են, ոչ թե անհատներ, ինչը նշանակում է, որ բոլոր հիմքերը կան, ամբողջ փաստաթղթերը կան: Եվ եթե մի քանի հայանուն կենդանի իրենք իրենց վերապահում են այդպիսի հայտարարություններ անել, դա իրենց խնդիրն է, ոչ թե` մեր ժողովրդի: Հետեւապես, մեր ժողովուրդը չպետք է մտնի սրանց կողմից առաջ քաշած օրակարգերի մեջ: Իրենք ցանկանում են մեզ ոչնչացնել, իսկ ոչնչացնելու համար կեղծ օրակարգեր են գցում եւ դրանցով շարժվում են առաջ:

— Իսկ ինչպե՞ս կգնահատեք Ոսկեպարի շուրջ ստեղծված իրավիճակը: Իշխանական մամուլը գրում էր, թե այս անգամ Նիկոլ Փաշինյանի հետ հանդիպումից տավուշցիները գոհունակություն են հայտնել:

— Ժողովուրդը, որին պարտադրում են իր հողը հանձնել եւ հեռանալ, չի կարող գոհունակ լինել: Նիկոլ Փաշինյանն էլ ժամանակին գոռում էր` «Արցախը Հայաստան է եւ վերջ», բայց հանձնեց: Այս մարդը եթե ասի` մածունը սպիտակ է, պետք է կասկածել` կա՛մ մածունի, կա՛մ սպիտակ գույնի էության մասին: Նիկոլը ստի, կեղծիքի, խաբեբայության, դավաճանության օրակարգով եկել է եւ իշխում է Հայաստանին: Հիմա ով ուզում է իր օրակարգով շարժվել, ուրեմն` ինքն էլ այդ օրակարգի մաս է: Հիտլերը ժամանակին հետաքրքիր միտք է ասել. լրագրողը իրեն հարց է տվել, թե` «ո՞վ է աշխարհի ամենաստոր մարդը», նա պատասխանել է. «Աշխարհի ամենաստոր մարդը նա է, ով համագործակցեց ինձ հետ, որ ես տիրանամ իր երկրին: Երկիրը մայր է, իսկ ես տիրանում եմ իրենց մայրերին…»: Ալիեւն այսօր Նիկոլի օգնությամբ տիրացել է Արցախին:

— Երեւանում տեսնում ենք քաղաքական պայքարի կայծեր: Ի՞նչ պետք է անի ընդդիմությունը, որ այդ պայքարի կրակն ի վերջո բռնկվի:

— Ժամանակին դպրոցում անպայման բոլորս էլ սովորել ենք, որ ֆիզիկայի մեջ կա Բրոունյան շարժում: Հասարակության մեջ միշտ պետք է լինեն Բրոունյան շարժումներ, որի արդյունքում առաջանում է կայծը: Այս պրոցեսը, որն ընթանում է, բնական է, քաղաքագիտորեն ապացուցված է: Սա անբնական գործընթաց չէ: Հասարակական, քաղաքական գործողություններն ուղիղ գիծ չեն, խառնաշփոթության մեջ են` մեկ բարձրանում են վերեւ, մեկ` անկում ապրում, խճճվում, տեղի է ունենում դավաճանություն, հուսալքություն, հազարումի պրոցես: Բայց եթե դու հաստատակամ ես, ծրագիրդ հստակ է եւ գիտակցում ես քաղաքական պայքարի բոլոր մանրուքները, այդ ժամանակ հաղթում ես:

ՀՐԱՆՏ ՍԱՐԱՖՅԱՆ

Այս թեմայով Մեզ համախմբողը մեր բարոյական արժեքները կոնսոլիդացնող Հայ Առաքելական եկեղեցին է. Մարինա Խաչատրյան Եթե ուզում ենք ստանալ այլ արդյունք, ապա գոնե վերջին շարժումից պետք է անենք հետեւություններ. Խաժակյան Մի կողմ դնենք տարաձայնությունները, համահայկական այս շարժումը պետք է ձեւավորի մեր ապագան. Վարդանյան Եթե ընդդիմությունը մանդատները դնում է, խորհրդարանական ճգնաժամ չի ստեղծվում. Տիգրան Քոչարյան Ինչ տեղի կունենա, եթե էմպիչմենթի գործընթացը ձախողվի. Տիգրան Քոչարյանը փակագծեր է բացում