«Խուճապ» օպերացիա Երեւանում` ուկրաինական ձեռագրով

ՀՀ ազգային անվտանգության ծառայությունը հայտարարություն է տարածել այն մասին, որ ապրիլի 11-ին՝ ժամը 23:00-ից արձանագրվել են հայկական «Տելեգրամ» ալիքներին ուղարկվող անանուն հաղորդագրություններ՝ իբրեւ Երեւանի դպրոցներում ծրագրվող ահաբեկչական գործողությունների մասին։ Ըստ ԱԱԾ նախնական գնահատականի, գործ ունենք համակարգված տեղեկատվական ահաբեկման հետ։

«ՀՀ ազգային անվտանգության ծառայությունը հորդորում է չմատնվել խուճապի՝ նկատի ունենալով նաեւ, որ նման դրսեւորումները կարող են կրկնվել: Ահաբեկչության մասին սուտ տեղեկություններ տարածելու փաստի առթիվ նախաձեռնվել է քրեական վարույթ»,- ասված է ԱԱԾ հայտարարության մեջ:

Թե ո՞ւր են տանում Երեւանում «խուճապ» օպերացիայի հետքերը, բավական ուշագրավ է: Ընդամենը Google որոնողական համակարգում փնտրելով այն ֆեյք հաղորդագրությունները, որոնք տարածվել են «Տելեգրամ»-ում` բացահայտվում է, որ համանման լուսանկարներով ահաբեկող հաղորդագրություններ տարածվել են դեռեւս մեկ ամիս առաջ` բելառուսական քաղաք Գոմելի վերաբերյալ: Այս մասին տեղեկացնում է մեդիափորձագետ Արթուր Պապյանը: Ավելին` պարզվում է` նմանատիպ հաղորդագրություններ տարածվել են նաեւ ՌԴ տարբեր քաղաքներում, ինչին ռուսաստանյան մասնագետներն արդեն առանց էմոցիաների են վերաբերվում` նկատի ունենալով, որ սա իրականում ուկրաինական տեղեկատվական, այսպես կոչված, զենքերից է: Հետեւապես, հարցերի հարցը շարունակում է մնալ այն, թե ովքեր են կանգնած ուկրաինական տեխնոլոգիաներով Երեւանն ահաբեկելու փորձերի հետեւում:

ՀՐԱՆՏ ՍԱՐԱՖՅԱՆ

Այս թեմայով «Եվրատեսիլ»-ն ընկղմվել է անբարոյականության, հակաքրիստոնեական եւ քայքայիչ հակարժեքների ճահիճը Փշե պսակը գլխկին, «յուպկեն» քաշած հետույքին հաղթեց Շվեյցարիան «Եվրատեսիլ 2024»-ում Ոչ ոք չի կարող ասել` այս շարժումը կհաջողի՞, թե` ոչ. Արմեն Բադալյան Բոլորն էլ հասկանում են, թե ի՞նչ է կատարվում՝ դավաճանություն, թշնամություն, խայտառակություն. Հարությունյան Տավուշի պայքարին միացել է 20 պայմանագրային զինծառայող