Շուտով ռուսական բանակը կմտնի Չասով Յար. այն հարավից մոտենում է քաղաքին. BILD
ՄիջազգայինՇուտով ռուսական բանակը կմտնի Չասով Յար. այն հարավից մոտենում է քաղաքին: Այս մասին հայտնում է BILD-ը:
Չասով Յարի վրա հարձակվելիս ռուսական բանակը օգտագործում է կրկնակի հարվածի մարտավարություն, ավելի վաղ հայտնել էր BILD-ի ռազմական փորձագետ Ջուլիան Ռոպկեն։ Ռուսաստանի զինված ուժերը ուղղակիորեն գրոհում են քաղաքի արևելքում գտնվող Կանալ միկրոշրջանը, ինչպես նաև շրջանցում են այն հյուսիսից և հարավից Բոգդանովկա և Իվանովսկոյե (Կրասնոյե) գյուղերով։ Կենտրոնում և հյուսիսում գիծը պահում են Ուկրաինայի զինված ուժերը։
Այժմ ՌԴ ԶՈւ հարավային թեւում նրանց հաջողվել է անցնել Սեվերսկի Դոնեց-Դոնբաս ջրանցքը և առաջ շարժվել դեպի քաղաք։
«Ռուսական ուժերը քաղաքից 1 կմ հարավ-արևելք գտնվող Չասով Յարում անցան ջրանցքը։ Հիմա ժամանակի հարց է, երբ նրանք քաղաք կմտնեն արևելքից կամ հարավից»,- գրում է Ռյոպկեն։
Իսկ ահա ուկրաինացինական վերլուծաբաններն էլ ավելի ծանր իրավիճակ են նկարագրում: Այն է` ռուսասկաան գրոհային խմբերն արդեն իսկ ամրացել էն Չասով Յարի մատույցներում` պատրաստվելով սկսել բուն քաղաքի գրոհը:
«Չասով Յարում իրավիճակը բարդ է, հակառակորդը չի հրաժարվում քաղաքը գրավելու փորձերից, նա շարունակում է ոչնչացնել ինչպես Չասով Յարը, այնպես էլ շրջակա բնակավայրերը (...) Ռուսները փորձում են գրավել այն բարձունքները, որոնց վրա կանգնած է քաղաքը և քաղաքի ծայրամասերը, որպեսզի այնտեղից գնդակոծեն Կոնստանտինովկան, Դրուժկովկան, Սլավյանսկը և Կրամատորսկը»,- հայտնում է աղբյուրը: